القمح الروسي

القمــــــــــــــــــــــــــــــــــح الـــــــــــــروسي

لما تكون بقلبك شـــــــــــــايف

من بكره جفاف ومفيش محلول

قايم خايف نايـــــــــــــم خايف

بلدي وولدي في المجـــــــهول

****************

والتطعيم عل الحصبه يساعد

والامراض ماشية بتتـــــسلي

حقنة موت بتدوب في الساعد

والمرحوم كان فـــــيها وولي

*****************

القمح الروسي فيه فيــــتامين

وعيش الفرن يجـــــيب الدود

وعشان نهـــــاية الكل الطين

مش حــــــيأثر دود في أسود

****************

طبخوا الــشعب في قدرة فول

باعوا الدولة في التخـــصيص

واحد سلطة وواحـــــــد غول

شعب الــــسلطه بكره يهيص

*****************

نفض ودنك م المســـــــــموع

وامسك عل اللي تشوفوا العين

اللي نحبه نـــــــكون له دروع

عمر الحــــب في يوم ما يدين

****************

الجوهــــــــــــــــــــــــــــــــــــــــــــــــــــــــــــــــــــــــــــــــــري

المصري مصري
وزينه العفه
والراجل راجل
لو عضم في القفه
اشكركم واشكر لكم المرور