البنات عايزة ايه بالظبط

البنات عايزة ايه بالظبط احنا البنات بنفكر ساعات بطريقة غريبه فى تصرفات الشباب يعنى لو الولد مدح البنت تقول عليه كداب
واذا ما مدحهاش تقول عليه معندوش زوق لو وافقها على راى هى خدته تقول عليه ضعيف الشخصيه ولو موفقهاش تقول عليه معندوش نظر
اذا زرها كتير تقول عليه لزقه وهيموت عليها ولو زرها قليل تقول عليه غير متهم
لو الشاب لبس سيمبل تقول عليه ده مبهدل ومش مهتم بنفسه لو الشاب غار عليها تقول عليه انوا مزودها والموضوع مش يستاهل واذا طنش يقول انا مش مهتم ومش بيحبها
اذا تاخر عليها دقيقة تقول اصعب شى الانتظار واذا البنت اللى هى اتاخرت تقولك عادى عند البنات
لو لقيتها واقفه مع واحد زميلها تقولك ده كان نفسى يخطبنى بس النصيب
اذا كانت تتكلم عايزاك تسمعها
وذا كانت تسمع عايزاك تتكلم
باختصار بسيط البنات معقدة سهله ومكلكعه ضعيفة وزى الغول مزعجه بس زى القمر محدش طبعا عندوا اعتراض فى كدة طبعا متقدرش تعيش من غيرها وتكمل حياتك فعلا يلريت يكون فى رد للبنات على كدة ونشوف احنا عايزيين ايه بالظبط

ميرسى لردك على الموضوع وارجو ان يكون نال اعجابك

بصراحةبرغم انى متغاظة من الاسلوب اللى بتتكلمى بية لكن حاسة انك بتتكلمى صح
كفاية انه بالنسبة لك صح ومقتنعة لكن يا دودو احنا مش كدة؟
ولا ايه رايك
يمكن دلع
ويمكن هزار ويمكن ويمكن
بس زى ما بيقول محمود لازم يعملوا كدة مش بنات

ولو معملناش كدة منبقاش بنات

ابوعلي كتب:عايزة تعيش مستورة مع ابن الحلال وتكون محبوبة من الجميع لانها مرهفة الحس
موضوع جميل ويحتاج شرح طويل واليوم انا مشغول وعايز يكون كلامي مفهوم
مع تحياتي وتقديري

يا ابو على انت صح
لو كل البنات لقيت اللى انت بتقوله وتلاقى الحب من كل اللى حواليها ومحدش يفهمها غلط اكيد دى اكتر حاجة عايزاها ومش ابوعلى هو اللى عايز يا ابومحمود كلنا عن نفسى عايزين العطف وجو الحب والامان
نحب ونتحب وندى ونعيش حياة مفيهاش كرة

اقصد حب الناس لبعضيهم الحب بصفة عامة

[right]على فكرة انا مش بتكلم بصوت الاغلبيه بس انا بجيب سلبيات البنات زى بردو مهكتب سلبيات الشباب وعلى فكرة فى بنات كدة وانا قبلت حد فالموضوع عجبنى مش شرط طبعا ان كل البنات كدة طبعا انا مقدرش اقول كدة بس انا شدنى الجانب ده فقولت اخد رايكم ومش معنى كدة ان البنات مخها فاضى لا خالص على العكس ويارب يكون الموضوع عجبك وميرسى لزيارتك

ههههههههههههههههه ميرسى اولا ياهبه انك قولتى رايك بس انا مش بتكلم بصوت الاغلبيه انا بتكلم على حاجة شفتها فى بنات كدة فعلا ومش بالطبع كل البنات ومتقلقيش فى موضوع عن الشباب بردو وياريت نبقى نتعرف على بعض وميرسى ويارب يكون الموضوع عجبك

لا بس برضو انا حاسس ان البنات دايما صادقين فى احاسيسهم وأراءهم لكن بصراحة ومن غير زعل مفيش واحدة بتذكر اخطاء البنات الا اذا كانت واثقة ان الخطأ دة مش عنديها
ويريت متزعليش متى لانى صريح ياترى اية سبب عرض الكلام دة واحنا عرفين ان البنات دايما تفكيرهم كدة الحنينة منهم حنينة والقاسية منهم بتمثل انها حنينة
والصريحة منهم صريحة و99% من البنات غير صريحة وبيمثلوا انهم صريحات
اول كلمة تقولها معلش اصل انا صريحة
ويريت متزعليش منى شكرا

البنات عايزة اية
لو انتى مقتنعة يادودو باللى انتى كتباة يبقى اكبر دليل على ان البنات مش عارفين عايزين اية
ولا انتى عارفة كويس عايزة اية ومعترضة غلى بقية البنات؟
فى كلا الحالتين لازم البنات الاول يعرفوا هم عايزين اية
وبعد كدة نتكلم فى الموضوع...

سورى لو كنت مقدرتش بس انا كنت عايزة اوصل حاجة للبنات وللولاد لكنى فشلت انى اوضحها لحضرتك وميرسى لرايك فى قسمى

ميرسى لرايك وبجد كلام جميل ويارب يكون الموضوع نال اعجابك

البنات عاوزة اية......... هو دا مش فيلم يا جماعة

ايوة صح متهيألى فيلم
بس المضمون يختلف؟
ولا ايه؟

ابوعلي كتب:عايزة تعيش مستورة مع ابن الحلال وتكون محبوبة من الجميع لانها مرهفة الحس
موضوع جميل ويحتاج شرح طويل واليوم انا مشغول وعايز يكون كلامي مفهوم
مع تحياتي وتقديري

الله عليك يا استاذ


كلام من الاخر

تقبل تحياتى