البوابة الفرعية
الموضوع اللي هاتكلم فيه يمكن يكون مهم جدا لبعض ناس ويمكن يكون مالوش لازمه عند الناس اللي مكبره دماغها (الروشه)
الموضوع بيتعلق بالموباايلات المحموله المذوده بكاميرا (تصوير وفيديو) والمتاح لها نقل المعلومات بالبلوتوث
الموضوع ده بيتكلم عن الاستخدام السئ للاجهزه دي
يعني البنت تكون واقفه في امان الله ييجي واحد من الشباب يصورها بوضع معين
ويمكن البنت دي مش واخده بالها (فرضا للافضل ) ويمكن هي واقفه كده او
قاعده كده بمزاجها
وبعد الصوره دي يتم تداول الصوره بشكل سريع اسرع من الصاروخ بين الشباب
( معايا صوره طلقه)
ويتم توزيع الصور فتكبر تكبر تكبر ويمكن في وقت ما توصل الصوره للبنت نفسها او لاي حد من اهلها
وغالبا بتكون الصور دي مصوره بعنايه فائقه ومركزه علي اشياء معينه (!!) لضمان سرعه النشر
ومعظم البنات دول بجد بيكون بنات ناس ومحترمات ومش واخدين بالهم
يعني في مول تجاري مثلا او في الشارع او كده
الجزء التاني
بيتعلق بالتسجيلات الصوتيه علي هذه الاجهزه
شاب يسجل لبنت او شاب يسجل لشاب مكالمه ما
او مجموعه بنات بيغنو اغنيه معروفه بس مغيرين الكلمات لالفاظ قمه في الانحدار والتسيب
وللاسف والله بجد للاسف
بيكون فيه تسجيلات في منتهي الانحلال من شباب وبنات
الســـــــــــــــؤال هنا يا جماعه :
هل انت موافق علي هذه التصرفات الصادره من الشباب؟
ماتقييمك لهذه الظاهره المنتشرة بين الشباب بصوره منقطعه النظير؟
ماهي اقتراحاتك للحد من هذه المشكله ؟
