سوف أبكيي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

جميل هذا الشعر

تسلم ياشاعر وانا عندى قصيدة قولى ايه رايك فيها قلبى ياورقة فى شجرة توت بيتسلى عليها الخريف
انا قلبى اخرس مالهوش صوت قاعد جوايا غريب
على اللى راح نبكى ونوح وفى الاخر نقول دا نصيب
والقلب جوا الضلوع يدمع ومن دمعه الحب يشيب
بس الامل جواه موجود يمكن حاجة فى بكره تصيب
وحياة ربنا المعبود مش عارف دى دنيا ولا لعبة يانصيب
مش مبسوط ولا مضايق بس خايف بكره مايجيش
انا قلبى ابيض مش رايق بقى اسود زى الورنيش
هم قلبى لو كتبته على الورايق ورق الدنيا مايكفيش
دا الشباب للهم شايل والوظايف بح مافيش
اللى قلبه مليان غل واللى همه قزازة جل
كل همه تسريحة شعره فرق مايل ولا كنيش
والاسعار بقيت غول البانجو ارخص من الفول والطماطم اغلى من الحشيش
نبكى ونصرخ ندمع ونوح والمسئول مدينا تطنيش
يعنى نسرق ولا نحرق ولا على فين نروح
انا بصرخ من جوا نفسى لكن مااقدرش ابوح
الريحة الحلوة خلاص راحت والنتانة عمالة تفوح
مختصر الكلام ياسادة قهوتنا بقيت سادة
والحلو ممنوع فى البيت لكن بره بيكون بزيادة
وانا مهما بكيت او انيت المسئول فى جهله بيتمادى
بس شفت واحد مبسوط قلتله انت مش شامم الريحة
قال ياولدى اسمع كلامى زين هاقولك للزمن نصيحة
دا صدرك مهما ضاق ارمى الحمول ورا ضهرك
واعرف ان الله هو الرزاق وافتكره فى سرك وجهرك
قلت ونعمه بالله بس ربنا قال خدوا بالاسباب
وانا كل مااروح ياشيخ مكان تتقفل فى وشى الابواب
قال ياولدى ماتتعبش اسعى تانى يسعى معاك
ورزقك فين ماتروح هتنوله دا الزمن عمره ماييجى على هواى او هواك
مشى الشيخ وكلامه بتردد فى ودانى
والامل جواى فاق والعزم صحى من تانى
بس المسئول بجهله موت كل الامال والامانى
وفى الاخر هاقول عبرة بصوت اخرس من غير نبره
دا قانون وحطوه الجبرة امتى ياربى تسقط ورقتى من الشجرة
التوقيع:شاب مصرى

شكرا لكما